مميزات و عيوب التعليم عن بعد

 زى اى حاجة ف الدنيا ليها مميزات وليها عيوب هنقول دلوقتى المميزات والعيوب الحقيقة مكنتش عارفة ابدأ بأنهى الاول بس انا بفضل  النهايات السعيدة ف هبدأ بالعيوب و انهى بالمميزات اداداداداا

نتكلم الاول عن التعليم عن بعد وهل هو موجود فعلا وبقالة كتير والا أية نظامة؟!… التعليم عن بعد أية الكلام الكبير دة يعنى اية دة بص يا سيدى التعليم عن بعد دة ما هو إلا وسيلة تخلى المواد التعليمية ايا كان نوعها توصل من المعلم الى اللى بيتعلم ياسلام ع الجمال وخد الكبيرة بقى أن المعلم بيكون فى مكان مختلف خالص عن مكان اللى بيتعلم اوبااااا أية دة ازاى دة اة واللة زى م بقولك كد .. طب امتى الفكرة دى بدأت؟! قالك ف أواخر السبعينات بعض الجامعات الأمريكية والأوروبية كانت بتبعت المواد بتاعتها للطلاب عن طريق البريد يااااا هو التعليم عن بعد كان قديم اوى كد اها تخيل هو مش اوى يعنى وبعد كدة بقى ف الثمانينات الموضوع اتقدم وبقى فيديوهات و شرايط مسجلة من قبل الطرفين بس طبعا كان الامتحان لازم الطالب يحضرة بنفسة ف مقر الامتحانات هوبا بقى مرة واحدة الموضوع مبقاش كد اتطور شوية ف اواخر الثمانينات وبقى على شبكات التليفزيون والقنوات طبعا بريطانيا كانت اجمد واحدة ساعتها ف الحوار دة وبعد كد ظهر الويب ف التسعينات وتطورنا وكان ينفع ساعتها تكلم زمايلك كد وانت بعيد عنهم..وه يابوووى ع التقدم الموضوع فضل يتطور يتطور لغاية م وصلنا لوقتنا دة وبقى ينفع مدرس يعمل محاضرة إلكترونية مع عشرات الطلاب وهم كلهم ف اماكن مختلفة بس سامعين وشايفين بعض وبيتكلموا مع بعض اكنهم ف غرفة واحدة مع اختلاف وضعية قطمة الساندويتس اللى كانت بتتسرق تحت الديسك اول م المدرس يديلك ضهرة…. طبعا انت مش فاهم حاجة من الكلام دة كلة بص يا سيدى من الاخر التعليم عن بعد مش لسة ظاهر جديد والا حاجة دة بقالة يجى 30 سنة واكتر بس كان بشكل مختلف… وجالنا الكورونا فى العالم كلة وقرار الرئيس ومعاونية بأن التعليم هيكون اونلاين أية اونلاين دى بقى يبنى م هى هى اونلاين يعنى تعليم عن بعد صحصح معايا.. طب وأية
: عيوب التعليم عن بعد*

    :عيوبة
ان انت مش هتكون على راحتك زى م كنت ايام الحصص بتاعت المدرسة اوى الدروس بتاعت السنتر والمحاضرات انك مش هتقدر تسأل كل اللى ف بالك بسلالة وسهولة
‏ 2- انك مش هيكون فى تواصل مع اصدقائك بسهولة اكتر زى م كنت بتشوفهم وش ل وش
‏ 3-وفى عيب تانى رهيب وهو الأكثر انتشارا فى معظم دول العالم النامية وهو أن النت بتاعنا زى م بيقولوا على حافة المقبرة محتاج يتشحنلة باقة من الاخر وطبعا وجود أجهزة الكومبيوتر واللابتوب
‏4- وكمان ودة عيب مش للجيل الجديد وانما للجيل الاقدم شوية وهو أن مش كلهم على دراية كاملة بوسائل التواصل الاجتماعى وكيفية استخدامها ف مش بيعرفوا يتصرفوا بشكل جيد طبعا بيكون اكتر مشكلة على المدرسين اللى مش بيعرفوا يتعاملوا طبعا
‏ 5- الدافع.. أية الدافع دة هقولك أية اللى هيخلى طالب يفضل قاعد قدام الكمبيوتر بتاعة عشان يدرسسسس م ممكن يلعب احسن وهو شايف أن كد افيد ومش بضيع وقتى ف حاجة مش بحبها ف لازم يكون فى دافع للطلاب أنهم يتعلموا
‏6-الإجابات النموذجية وما ادراك ما الإجابات النموذجية طبعا مع التعليم عن بعد بيكون الطالب غير قادر على الابداع ف اجاباتة وبيكون ملتزم بنص معين للاجابات

:طب نيجى لمميزاتة بقى *

:مميزاتة

 وطبعا دى للناس اللى بيحبوا الانتخة وهو انك مش لازم تصحى الصبح بدرى وتستحمى وتلبس وتنزل عشان محاضرة 8 الصبح ودة بيسمى عدم اعتماد النظام الجديد على الحضور الفعلى
سهولة التواصل مع مدرسك يعنى مش هتفضل تدور علية ف ادوار المدرسة كلها ولما تلاقية هتلاقية ف غرفة المدرسين ماسك سندويتش فول وكوباية الشاى بل بالعكس هتلاقية فى اى وقت بيرد على رسايلك اللى بتسأل فيها عن المنهج
وفى وقت انك جمب دراستك تقدر تعمل اى حاجة تانية عايز تشتغل عايز تروح النادى عايز تاخد كورس ودة أسمة إتاحة المواد العلمية فى اى وقت
طب دلوقتى المدرس كان نص الوقت بيفضل يحكى عن مغامراتة ودة كان بيأثر على الطلاب وعلى تركيزهم اللى بيكون متقطع بسبب كدة ف التعليم عن بعض خلى الاسلوب بقى مختلف وسهل اكتر والمدرس بقى بيركز اكتر على الافكار المهمة وترتيبها وتنسيقها عشان المحاضرة تكون سهلة ومنسقة.
وبكدة نكون اتكلمنا عن التعليم عن بعد كيفية نشأتة وتطورة واتكلمنا عن مزايا وعيوب التعليم عن بعد..